කිතුහඬ - කුරුණෑගල

කුරුණෑගල මීසමේ තරුණ පිරිස 2017 වසරේ දී ඉදිරිපත් කළ ජංගම කැරොල් ගායනා අද ඔබ වෙත ඉදිරිපත් කරන්නේ යම් දෙයක් ඔබට සිහි ගන්වන්යි..... සිහි කරලා බලන්න.....

මේ නත්තල් සමයයි, කුරුණෑගල ශුද්ධ වු පවුලේ ළදරු පාසැලේ සිඟිති දරුවන් දරුවන් විසින් ඉදිරිපත් කළ කැරොල් ගායනාවට ඔබත් එක්වන්න. 

කුරුණෑගල සාන්ත ආනා ආසන දෙව් මැදුරට අයත් මීසම් සංගයේ වසර තුනක කාලයක් ක්‍රියා කළ  කිතුනු දූත සේවා සංගමය, කල් පිරීම නිමිත්තෙන් විසුරුවා හැරීමෙන් පසුව තෝරාගත් නව නායකයින්ගේ පොරොන්දුදීම සහ ඔවුන් කැප කිරීම 2017 සැප්තැම්බර් 24 වන ඉරුදින කුරුණෑගල පදවි කුඩා කිතුනු සංඝ සහ සෙඩෙක් ආයතනයේ අධ්‍යක්ෂක ගරු ජාමික සුමේධ පියතුමාගේ ප්‍රධානත්වයෙන් හා කුරුණෑගල මීසම් සේවක පියතුමන්ලාගේ මෙහෙයවීම යටතේ සිදු කෙරුණි.

කුරුණෑගල රදගුරු වසමේ කට්ටිමහන සාන්ත ආනා ජාතික සිද්ධස්ථානයේ 122 වන වාර්ෂික මංගල්‍යයයේ සන්ධ්‍යා මෙහෙය 2017 අගෝස්තු 26 වන දින සවස විශාල බැතිමත් ජනතාවකගේ සහභාගිත්වයෙන් කොළඹ අගරදගුරු පදවියේ සහය රදගුරු අතිඋතුම් මැක්ස්වෙල් සිල්වා හිමිපාණන් සහ කුරුණෑගල පදවි රදගුරු අතිඋතුම් හැරල්ඩ් ඇන්තනි පෙරේරා හිමිපාණන්ගේ ප්‍රධානත්වයෙන් සිදු කෙරුණි. එම අවස්ථාවට කුරුණෑගල පදවියේ පූජාප්‍රසාදි වහන්සේලා සහ පැවිදි සොයුරු සහ සොයුරියන් විශාල පිරිසක් සහභාගි වූහ. මෙම මංගල්‍යය සන්ධ්‍යා මෙහෙය කට්ටිමහන සාන්ත ආනා සිද්ධස්ථානය පාළක ගරු ජෙරොම් පෙරේරා පූජාප්‍රසාදින් වහන්සේගේ මෙහෙයවීම මත සිදු කෙරුණි.

කුරුණෑගල ආසන දෙව් මැදුරේ 197 වන වාර්ෂික මංගල්‍යයට සූදානම්වීමේ නුවාන දේශනා මාලාවේ දෙවැනි දේශනාව දැන් ඔබ වෙනුවෙන් සුදානම්ව ඇත. අළුතින් ඔබට සිතන්නට ඔබව අවදි කරන, අම්පිටියේ, දර්ශන පීඨයේ කතිකාචාර්ය ගරු තුසිත ප්‍රියංඟ පියතුමා, මෙම දේශනාව තුළින් උත්පත්ති පොතේ 1:26-27 යන පාඨයෙන් ලියැවි ඇති, දෙවිඳුන්ට සමාන කමින් මිනිසා මවා ඇති බව කියැවෙන කොටසින් මිනිසාට ලබා ගත හැකි උත්කෘෂ්ඨ වූ තැන පිළිබඳව ඉතා ගැඹුරු තැනකට අප සැවොම රැගෙන යන ලදි. කුරුණෑගලින් බැහැරව සහ එදින එම දේශනයට සවන් දීමට නොහැකි වූ අය වෙනුවෙන් කිතුහඬ මෙසේ ඉදිරිපත් කරයි....